Մի` աղտոտեք լրատվությունը, այն միայն ձերը չի

"ԼյունՍեն" ստեղծվեց երիտասարդներին ճանաչելու, հասկանալու եւ օգնելու համար: "ԼյունՍեի" լրագրողները շտապում են ձեր հոգսերը պատմել աշխարհին: Դուք էլ ձեր անկեղծությունից գոնե մի մասնիկ նվիրեք "ԼյունՍեին": Եւ ամենակարեւորը. գտեք ձեր Լույսը, որ չդառնաք ուրիշի Ստվերը:

"ԼյունՍեն" գիտի իր անելիքը, դուք էլ գտեք ձերը:

Լրատվությունը` թոփ-էքստրիմ

ՀՀ ամենանիհար լրագրողը, որը գլուխ է հանում համակարգչային և հնչյունային բոլոր խնդիրներից, թեեւ շատ է սիրում ծանր ռոք և հարվածային գործիքներ: Մեր ազգային ծեսերի խորին իմացությունն անգամ նրան չի խանգարում հանիրավի նյարդայնացնել Զարուհուն:
Իսկական արիացի: Բնավորությամբ հանդարտ է, հավասարակշռված: Հանդուրժող է նույնիսկ ծխողների հանդեպ:

Սիրիր լուրերը քո մեջ, եւ ոչ թե քեզ` լուրերում

Սիրում է

• սալաթ "Օլիվիե"
• հաճոյախոսություններ, թեկուզ հանգուցյալից
• ինտերնետ, չաթ, ֆաքս և մարդկային հաղորդակցման այլ միջոցներ
• շրջագայել` քաղցրավենիքը գրպանում
• կտրվել իրականությունից

Չի սիրում

• ուշադրությունից դուրս մնալ
• անպարտաճանաչ մարդկանց, ովքեր չեն սիրում լսել իրեն
• լուսաբանել այն, ինչ չկա. այսինքն` քաղաքականություն և մշակույթ
• անտարբեր է երթուղայինների վարորդների և հեռուստատեսային օպերատորների հանդեպ

Ով չի կերակրում լրագրողին` կերակրում է դիկտատորին

Իմ դեմքի թթված արտահայտությունն առաջին հայացքից տպավորություն է ստեղծում, թե երբեք էլ չեմ կարողանա արտաբերել "Ս" տառը: Սակայն իմ հերոսները` փոքրիկները, նույնիսկ դա էլ չեն կարողանում արտաբերել ինչպես հարկն է:
Ես ինքնամփոփ եմ, նպատակասլաց, թեեւ երազում եմ լինել Եգիպտոսում, եւ ոչ թե ուշադրության կենտրոնում:

Լուրերս` քե’զ, ի’մ հայրենիք...

Եթե մկնիկ ես լինեի` կծլկեի աշխատանքից...
Եթե կատու` չէի վախենա չար շներից...
Թե որ առյուծ` վանդակները չէի հանդուրժի...
Իսկ թե արծիվ ես լինեի` բաց երկնքից կհսկեի
Անծայրածիր սահմանները հերոսական Չորաթանի...

Լրագրող չեն ծնվում, լրագրող մահանում են

Այն ի՞նչն է, ի՞նչը, ավելի ստույգ` ո՞վ,
Որի կողքով չես անցնի անվրդով,
Բայց քեզ միշտ կզգաս խիստ անապահով,
Եթե Զարուհուն ճանաչես դեմքով:

Եթե լուրեր, ապա միայն փողկապով

Ման է գալիս քաղցած, տրտում,
Սնվում օդով` անապատում,
Աղջիկներին պահած սրտում`
Ռաբիզներից է խուսափում:

կրկներգ
Արամ, Արամ, Արամ,
Ամենաթարմ տղան,
Մարդամոտ ու շփվող`
Ձիթապտուղ ուտող:

Հռետոր է նա մի`
Գաղափարներ ունի,
Հազար ու մի "իզմ "-եր,
Հոգում` արվեստ ու սեր:

կրկներգ
Արամ, Արամ, Արամ,
Ամենաթարմ տղան,
Մարդամոտ ու շփվող`
Ձիթապտուղ ուտող:

Առողջ համագործակցություն առողջ խմբագրության հետ